Foro Masa Crítica Coruña

Xiana · Registrado: 03 Nov 2006 Mensajes: 180 Ubicación: Os Castros_A Coruña Votos: 3

Recollida de sinaturas para a defensa do Círculo Lítico da Mourela:

Pra asinar nesta dirección web:

http://www.amigus.org/web/archives/005491.php

jesus · Administrador Registrado: 10 Oct 2006 Mensajes: 13

Asinado

Xiana · Publicado: Mie Ene 31, 2007 2:19 pm **Título del mensaje**:

Ok! graciñas!!

Moncho do Orzán · Registrado: 11 Ene 2007 Mensajes: 64

O martes as paleadoras atravesaron o círculo lítico da Mourela nas Pontes co permiso de Património. Eles din que as tres mámoas que hai na zona están intactas, pero o certo é que están a bastante menos dos 200m que esixe a Lei do Solo.

Mourela, D.E.P.
3000 a.c. - 5 de xuño do 2007

Moncho do Orzán · Registrado: 11 Ene 2007 Mensajes: 64

Tedes máis info en: www.amigus.org/mourela.php

Xiana · Publicado: Vie Jun 08, 2007 4:34 pm **Título del mensaje**:

Menudos fillos da puta!! Déixovos esto que me pasaron para ler.

D.E.P. Círculo Lítico da Mourela: 3000 AC-5 de xuño de 2007

5 de xuño de 2007: día de loito para o Patrimonio Cultural de Galiza. Na mañá do Día Mundial do Medio Ambiente, a necrópole da Mourela foi arrasada por dúas escavadoras. Sen facer públicos os traballos arqueolóxicos sobre o Circulo Lítico, sen estudar outras alternativas ao trazado previsto, sen valorar a posibilidade de construir un túnel por baixo da necrópole como propuña ADEGA, e sen termos constancia de que a D. X. de Patrimonio dera o visto bo, a CPTOPV arrasou o monumento, enclave crucial do megalitismo galego. Rematan así 5.000 anos de historia do Círculo Lítico da Mourela. ADEGA e a Plataforma pola Defensa do Patrimonio das Pontes esiximos responsabilidades por esta desfeita.

--------------------------------------------------------------------------------
COMUNICADO de ADEGA e a Plataforma pola Defensa do Patrimonio das Pontes
A Asociación Ecoloxista ADEGA e a Plataforma na Defensa do Patrimonio das Pontes queren facer público o seguinte:
O día 5 de xuño, Día Mundial do Medio Ambiente, as consellerías de Cultura e Política territorial borraron dun plumazo o Círculo Lítico da Mourela, no concello das Pontes de García Rodríguez. A media mañá varias máquinas entraron no xacemento destruindo a súa superficie. Alén disto a situación na que quedan as tres mámoas da necrópole é insostíbel, dado que unha gabia de máis de 50 metros de profundidade atravesará este conxunto pola metade.
Ante esta situación, cremos que se repetiron os erros do pasado e non se fixo ningún intento por parte da Administración por dar transparencia a esta destrucción. Ignorouse ademais a alternativa da execución dun túnel presentada polas nosas organizacións, que no mes de novembro de 2006 contaba co apoio da Dirección Xeral de Patrimonio, que confiaba nesta alternativa como solución á destrucción.
Hai que sinalar que a Lei do Patrimonio Cultural Galego esixe a formulación e o estudo de tódalas alternativas existentes denantes de destruir o patrimonio. Cremos que no caso da Mourela a Lei non estivo vixiante.
A decisión de construir un túnel que salvagardara a necrópole megalítica non era unha cuestión económica nin legal, era unha decisión política, polo que consideramos que a Administración tomou o camiño equivocado. Por isto dende ADEGA e a Plataforma, pedimos a demisión do Dir. Xeral de Obras Públicas D. Manuel Morato, por non estudar a alternativa existente e coaccionar á Dir. Xeral de Patrimonio, na toma desta decisión. Logo de apoio público da Dir. Xeral de Patrimonio á alternativa do túnel lamentamos profundamente que o seu director xeral D. Felipe Arias, non tivese a entereza suficiente para esixirlle á Dirección Xeral de Obras Públicas a valoración e o estudo da alternativa do túnel e en consecuencia pedimos que os responsábeis desta situación, demitan.
Ademais aproveitamos este comunicado para anunciar a activación dun dispositivo de loita activa contra a especulación do noso patrimonio arqueolóxico, que inclúe medidas de carácter social e legal.
Durante os vindeiros días anunciaremos as diferentes movilizacións que se producirán como repulsa a este atentado patrimonial. Hoxe é un día triste para a arqueoloxía en Galiza, mais tamén o é para a Cultura Galega. Os veciños e veciñas das Pontes non aturararán máis destruccións do noso Patrimonio: coas nosas mans conseguiremos virar o rumbo desta nave da sinrazón e por a nosa proa na dirección axeitada, para que remate dunha vez por todas a especulación co noso Patrimonio Cultural.

http://www.culturagalega.org/noticia_arquivo.php?id=10103

As obras da Autovía 64 entre Ferrol e Vilalba rematan cos restos do círculo lítico de A Mourela, nas Pontes

Era un dos poucos círculos líticos do megalitismo documentados no país. O erudito local Federico Maciñeira localizouno a finais do século XIX, pero as súas pedras foron empregadas na construción dunha estrada. Só despois de ser aprobado o trazado da autovía AG64 entre Ferrol e Vilalba, que atravesaba polo medio do xacemento, se puideron comezar as excavacións na zona, que demostraron a existencia do círculo lítico e unha posterior edificación medieval. Onte a Consellaría de Cultura levantou a zona de cautela sobre o xacemento, tras recibir un informe da Consellaría de Obras Públicas desestimando un cambio no trazado da autoestrada. As escavadoras xa comezaron a levantar a terra. Un activo movemento local e veciñal defendeu durante estes anos a escavación, a preservación dos restos e o desvío do trazado da autoestrada.

http://vello.vieiros.com/gterra/nova.php?Ed=45&id=50525

O Círculo lítico da Mourela
[07/06/2006 17:03] Non é descoñecido que na Galiza grande parte do noso patrimonio foi gradualmente destruído. Ás máis das veces a causa foi o trazado de vías de comunicación que non tiveron un mínimo respeito polo patrimonio existente.
Desta vez estamos diante da queda dun xacimento arqueolóxico único na Galiza e Europa. Parece todo indicar que miles de anos de testemuña do decorrer histórico galego poderían estragarse nuns minutos.

É o círculo lítico da Mourela en Ferrolterra, nomeademente nas Pontes.

A destrución deste emprazamento milenario deriva da construción dunha autovía que, segundo o trazado aprobado, uniría Ferrolterra coa Terra Chá.
Como reacción a este feito constituise unha plataforma que denuncia a falta de sensibilidade co patrimonio coa que se está a tratar o emprazamento prehistórico amiazado polas obras da autovía Ferrol-Vilalba (tramo As Pontes-Cabreiros).

A denominada Plataforma Cidadá en Defensa do Círculo Lítico da Mourela redixíu un manifesto no que salientan que as obras "suporán a desaparición definitiva do devandito hachádego arqueolóxico", destacando que o "problema... nace co anterior goberno da Xunta, en tanto que o estudo de impacto ambiental do tramo non se recollía a existencia do hachádego". Contodo afirman que "ao longo da pasada semana, parece que as presións da actual Consellería de Política territorial e das empresas adxudicatarias ("Puentes y carreteras" y "Viviendas y Ferramentos") fixeron efecto no que en teoría é a entidade administrativa con maior capacidade para a preservación do patrimonio histórico de Galicia, como é a Direción xeral de patrimonio, dependente da Consellería de Cultura".

A Plataforma indica que parece iminente que "...os 5.000 anos de historia do círculo lítico serán aniquilados polas maquinarias das empresas adxudicatarias da construción".

Neste senso apunta a organización popular que "se ben a autovía Ferrol-Vilalba é algo esencial para o futuro desenvolvemento do Concello das Pontes, e que o retraso da súa finalización suporía un incremento do orzamento inicial, non é motivo como para non aumentar a marxe de tempo para levar a cabo as investigacións pertinentes sobor dun elemento patrimonial de gran importancia non só a nivel local, senón tamén galego e europeo".

Segundo informacións que algúns medios publicaban no día de hoxe, estase tentando chegar a unha postura de consenso entre a administración e a Plataforma de cara a non danar o xacemento e procurar alternativas ao trazado incialmente aprobado polo Partido Popular.