Foro Masa Crítica Coruña

Marcial · Ultima edición por Marcial el Jue Dic 28, 2006 6:54 pm; editado 2 veces

Ponferrada ofrecerá cen bicicletas para uso urbano dos cidadáns

O servizo será gratuíto mediante o emprego dunha tarxeta de usuario. O novo plan de transporte en bicicleta contará cun investimento de 144.000 euros.

Ponferrada está cada día máis preto de ser unha cidade europea, á altura de Amsterdam ou Bélxica, coa posta en marcha dun novo plan de transporte urbano en bicicleta con 100 vehículos, no que se investirá 144.000 euros. Este innovador servizo de préstamo de bicis na cidade está enfocado tanto aos residentes como aos turistas, con especial relevancia nun ano no que se espera un incremento notable dos visitantes pola celebración das Idades do Home na capital berciana.

O proxecto, que conta coa colaboración do Ente Rexional da Enerxía de Castilla y León (Eren), consiste nun sistema de préstamo gratuíto que contará coas instalación de 4 puntos de utilización e recollida das bicicletas. Para utilizalas será necesario darse de alta no sistema de xestión de usuarios para facerse cunha tarxeta que permitirá a utilización do servizo. O tempo de utilización das bicicletas será de dúas horas para residentes no municipio e de tres horas para os turistas.

Os catro aparca-bicicletas situaranse nun principio na parte alta, outro no entorno do Museo do Ferrocarril e outro no barrio de Cuatrovientos, e prevese un máis en Flores del Sil.

O obxectivo desta iniciativa é mellorar a mobilidade dentro da cidade mediante o respecto ao medio ambiente e incidindo igualmente no aforro enerxético. Así mesmo, mellórase o grado de ocupación de espazo público e redúcese o ruído e as emisións contaminantes.

Fonte: Ponferrada ofrecerá cien bicicletas para uso urbano de los ciudadanos (Diario de León)

Marcial · Publicado: Jue Dic 28, 2006 6:51 pm **Título del mensaje**:

Máis novas relacionadas, Pontevedra e Vigo

O transporte público de bicicletas en Pontevedra funcionará a próxima primaveira

A Xunta financia con 140.000 euros o novo transporte urbano en bici en Vigo